Har du eit plagg du vil sy, men har problem med å kome i gang?

Er du i gang, men står fast? 

Er det plagg du er glad i, men ikkje får til å bruke og vil redesigne det?

Eller har du ein vanskeleg reparasjon du vil få til?

Beskrivelse:

Uansett kva utfordring du står i, kan du ta den med til atelieret mitt, og eg kan hjelpe deg å meistre den sjølv. Du lærer også mykje av dei andre sine syprosjekt og me kan gi kvarandre kreative innspel og praktiske råd.

Passar for:

Deg som har grunnleggande syferdigheiter, eller har sydd ei stund, og vil ta ferdigheitene dine til eit nytt nivå. Ingen nedre eller øvre aldersgrense;)

Ta med:

·       Prosjektet du vil jobbe med og det du treng av andre materiale

·       Symaskin du kjenner og det utstyret du vanlegvis bruker når du syr

·       Ta kontakt på førehand om det er noko du manglar, så ordner me det!

Praktisk informasjon:

Kvar?

Kurset blir halde i mitt atelier i 4. etasje på Elefant workspace og i fellesområdet rett utanfor.

Adressa er Erfjordgata 8, på Storhaug i Stavanger. Det står Askegården over inngangsdøra. Døra er låst, men eg opnar for dykk eit kvarter før kursstart. Om du kjem for seint, gi beskjed på 91876400, så henter me deg.

Bil:

Det er gratis parkering langs bygget i Erfjordgata 8.

(Om du ikkje får plass her, er det soneparkering utanfor. Sone 11 i Taugata og Erfjordgata i tidsrommet 8- 18 på kvardagar og 8- 16 laurdag. 2 timar gratis i Johannesgate på nedsida. Også parkeringsplass med betaling i Johannesgate på andre sida av bygget.)

Buss:

Nr 1 og 4 stoppar på busstoppet Kjelvene like ved.

Liten skrift:

Ved avmelding seinare enn ei veke før kurset, har du ikkje krav på refusjon. Dersom kurset må avlysast på grunn av sjukdom hjå kurshaldar eller annan uforutsett hending på arrangørs side, vil du få pengane attende.